Genital Siğil Müalicə

Genital siğil nədir?

HPV (Human Papilloma virus) 60-dan çox virusa verilən ortaq addır. Bu viruslar bədənin hər hansı bir yerində siğillərə səbəb ola bilər.

HPV virusunun genital mukozada yaratdığı yaralara ‘genital siğil’ deyilir. Vagina, penis, vulva və ya anus ətrafında görünən bir neçə millimetr diametrli qırmızı və ya qəhvəyi rəngli papilomalardır.

İnsanlar arasında çox yayılmış bir infeksiyadır.

Genital Siğil və Xərçəng

Genital siğil təhlükəli bir xəstəlik deyil. Bunun müalicəsi var. Amma bəzi HPV növləri genital siğillərdən başqa anogenital xərçənglərə də səbəb ola bilər.

Simptomlar nələrdir?

Çox vaxt xəstəlik heç bir əlamət göstərmir, xəstələrin təxminən 30%-də siğillər meydana gəlir. Siğillər qadınlarda vagina və ya anus ətrafında və ya vulvada ola bilər.

Virus Necə Yoluxur?

Vaginal, anal və ya oral seks zamanı dərinin dəriyə təması nəticəsində ötürülür.

İnkubasiya dövrü

Virus HPV infeksiyasına yoluxmuş şəxslə cinsi əlaqədən 4-6 həftə sonra təsirini göstərir. Siğillərin əmələ gəlməsi 9 aya qədər davam edə bilər.

Diaqnoz

HPV üçün xüsusi bir laboratoriya və ya qan testi mövcud deyil. Buna görə də çox vaxt gizli qalır. Xəstələrin yalnız 30%-də əmələ gələn siğilləri görərək diaqnoz qoyula bilər. Bunun üçün həkiminizin kolposkop adlanan bir linza istifadə etməsi lazım ola bilər.

Genital siğil diaqnozu necə qoyulur?

Genital siğil diaqnozu bir dermatoloq tərəfindən müayinə edilərək qoyulur. Diaqnoz qoymaq üçün həkim yaranı görməlidir.

HPV virusundan necə qoruna bilərəm?

Prezervativlərin istifadəsi qismən qoruyucu ola bilər. Birdən çox cinsi əlaqə yoldaşının olmasından çəkinmək lazımdır. Spermisidlərin təsirli olduğu sübut edilməmişdir. Virusun girməsinin qarşısını almaq üçün dəridə yarana biləcək kiçik sıyrıqların qarşısını almaq lazımdır. Xüsusilə cinsi əlaqə zamanı vagina qurudursa, yaralanmalara səbəb ola biləcəyi üçün kifayət qədər nəm təmin edəcək bir nəmləndirici vasitə istifadə etmək məsləhət görülür.