Botoks

Botoks Haralarda İstifadə Olunur?

• Alın bölgəsindəki üfüqi qırışlarda,
• İki qaş arasında olan və çatılmış qaş görünüşünə səbəb olan qırışlarda,
• Hər iki qaşın yan tərəflərinin yuxarı qaldırılmasında,
• Hər iki gözün yan tərəfində yerləşən və üzün yaşlanmasını göstərən xətlər və qırışlarda (qaz ayağı),
• Alt göz qapağındakı qırışlar və qıyıq göz şikayətinin düzəldilməsində,
• Burun kökünə yaxın olan üfüqi xətlərdə,
• Burun ucunun qaldırılmasında,
• Gülərkən üst diş ətinin görünməsi halında,
• Üst və alt dodaqdakı şaquli xətlərdə (siqaret çəkmə xətləri),
• Dodaq künclərinin yuxarı qaldırılmasında,
• Alt dodaqla çənə arasındakı üfüqi xətlərdə,
• Çənə dərisinin hamarlaşdırılmasında,
• Boyundakı üfüqi xətlərin və şaquli bantların müalicəsində,
• Əllərdə, ayaqlarda, üzdə və qoltuqlarda həddindən artıq tərləmə müalicəsində,
• Qoltuqaltı, əl və ayaq tərləmə müalicələrində Botokdan istifadə edilə bilər.

BOTOKS İLƏ TƏRLƏMƏ MÜALİCƏSİ

Botoksun başqa bir tətbiq sahəsi isə həddindən artıq tərləmə və bununla bağlı xəstəliklərin aradan qaldırılmasıdır.

Tərləmənin sıx olduğu dərinin altına çox az miqdarda inyeksiya edilən botoks, tər vəzilərinə çatan sinirlərin işini müvəqqəti olaraq dayandırır və tər ifrazının qarşısını alır.

Botoks çox incə uclu iynələrlə tərləmə sahəsinə tətbiq olunur. Prosedurdan sonrakı ilk həftə ərzində yaxşılaşma müşahidə olunur. Botoksun təsiri ümumiyyətlə 6 ilə 8 aya qədər davam edir, təsiri keçməyə başlayanda ikinci bir prosedur edilir.

BOTOKS NECƏ TƏTBİQ OLUNUR?

Botoks çox incə uclu xüsusi iynələrlə əzələyə bir neçə nöqtədən yeridilir. Bütün prosedur 10-15 dəqiqə çəkir.

BOTOKSUN TƏSİRİ NƏ QƏDƏR DAVAM EDİR?

Botoksun təsiri prosedurdan 3-7 gün sonra başlayır və bu təsir üç-dörd ay davam edir.

BOTOKS PROSEDURUNUN RİSKLƏRİ VARMI?

Bununla bağlı təlimli və təcrübəli bir mütəxəssis tərəfindən həyata keçirildikdə, botoks prosedurunun riskləri demək olar ki, yox deyiləcək qədər azdır.

BOTOKS PROSEDURUNDAN SONRA NƏLƏRƏ DİQQƏT ETMƏLİYƏM?

Botoks prosedurundan dərhal sonra üz yuyula və hər cür makiyaj məhsulları istifadə edilə bilər. Botoks prosedurundan sonra inyeksiya edilən bölgələrə iki gün masaj edilməməlidir, xüsusən də makiyajı çıxararkən bu sahələr həddindən artıq sürtülməməlidir. Bundan başqa aerobika və step kimi məşq proqramlarına iki gün ara verilməlidir.